صوت الدعاة – أفضل موقع عربي في خطبة الجمعة والأخبار المهمة جريدة متنوعة تقدم الأخبار الحصرية الأولي في العالم العربي في خطبة الجمعة القادمة للأوقاف حصرياً مميزة وخطب ، الأخبار لحظة بلحظة، متميزة في أخبار الأوقاف الأزهر، أسعار الذهب الدولار العملات التعليم والاخبار المصرية
كتب – جمال مكرم
الرئيس كشف في أول حديثه عن مفجر الكنيسة، والإجراءات التي اتخذتها الأجهزة الأمنية لضبط باقي الجناة، قائلًا:” لن أعزي أشقائنا وأهلنا المسيحيين ولكنني أعزي المصريين جميعًا في مصابهم الأليم ومكنتش أقدر أجي النهاردة أعزيكم والموضوع بدون ملامح وكنت متأكدًا إني سأكون معكم اليوم”.
وأضاف الرئيس،:” اللى عمل كده شاب دخل الكنيسة وفجر نفسه بحزام ناسف واسمه محمود شفيق محمد مصطفي 22 سنة وألقينا القبض على 3 أشخاص وأمرأة وجاري القبض على اثنين آخرين، الموضوع متمش بشنطة ولا بأي حاجة تانية حزام ناسف والكلام ده كلام مسئول”.وحول أسباب العمليات الإرهابية التي تستهدف أبناء الوطن، قال الرئيس:” اللى بيحصل ده عارفين الإحباط اللى غلبوا في المصريين بقالهم 3 سنين بيهزوا فينا يمين وشمال مفيش فايدة يعملوا في الاقتصاد مفيش فايدة يعملوا إرهاب مفيش فايدة يعملوا بلبلة مفيش فايدة”.
وأضاف السيسي،:”اللى بيحصل ده إحبطهم لأن المصريين حيروهم، الحاجة غالية مفيش فايدة، ناخد الرز والسكر مفيش فايدة، منجبش السياحة مفيش فايدة، احنا هنحرككم لأ المصريين، 75 كنيسة ندمرهالكم ومفيش فايدة وطالب الرئيس عبد الفتاح السيسي، الحكومة ومجلس النواب بإقرار تشريعات قوانين تضمن مواجهة الإرهاب بحسم وردع، قائلًا:” بصراحة بقى الحكومة والبرلمان لازم نتحرك بشكل أكتر من كده لأن موضوع القوانين اللى مكبلة القضاء مش هتنفع كده لأنه مش هيقدر يتعامل مع المسائل دي بشكل حاسم بالطريقة اللى احنا ماشيين بيها قوانين تعالج المسائل دي بشكل حاسم الإرهاب ده كل من يستهدف المساس بأمننا وأمن بلادنا وإيذاء أحبائنا لا مش هينفع كده “.
